Ol skul prinsipol, mo ol tija i mas rispektem mo lukaut gud ol studen, taem oli stap insaed long wan skul.
Jeaman blong Vanuatu tijing seves komisen, Derek Alexander, i mekem toktok ia, folem allegation se wan skul prinsipol i bin mekem trabol wetem wan studen blong hem.
Hemi tok strong se wan tija i ripresentem papa mo mama long hom.
Mr Alexander i pointemaut se Vanuatu Tijing seves komisen i save se ol kaen isui olsem i sensetiv tumas, mo bae oli no save kipim wan tija we i mekem kaen fasen olsem long field, from i soem wan wrong mesej long ol pikinini mo ol parent.
VBTC nius i andastan se kes blong skul prinsipol ia i stap naoia long han blong polis.