Volley4Change long Santo i risivim sam volleyball pam mo wisel i kam long wan turist blong Australia.
Turist ia, Tess Hodgins-Parry i doneitem 2 ball pam, 3 wisel mo wan gym ball iko long Santo Volleyball ofis.
Hemi talem se wan fren blong hem i wok olsem Australian volentia long Vanuatu Volleyball Federation, mo taem we hemi harem abaut gud wok we oli stap mekem, hemi disaed blong kivim sam help taem we hemi kam holidei long Santo.
Projekt Sapot Ofisa long Santo, Tiffany Williams, i talem se ol item ia bae i helpem ol staf blong ranem ol Volley4Change program mo ol tunamen long Santo.