Jampion klab blong Vanuatu, Erakor Golden Star i stap preperem gud hem from OFC Champions League we bambae hemi Hostem Group C long Port Vila long manis ia.
Golden star i gat two wiks nomo i stap before hemi statem kampen blong hem.
Pool C we bambae i tekples long Port Vila i gat defending champion, Team Wellington blong New Zealand, Ba FC blong Fiji , Kiwi FC blong Samoa mo Erakor Golden star blong Vanuatu.
Manejmen blong EGS i invitem every futbol fans blong sapotem klab long training blong olgeta kasem taim blong kompetisen.