Erakor Golden Star FC technical advisor, Joshua Smith i kasem Vanuatu long wik ia.
 Long tedei morning hemi kat meeting wetem hed koj, Benjamin Noel mo asisten koj Timothy Wayane mo tim maneja Donald Wanemut long Teouma futbol academi.
Joshua Smith i kam tu wetem sapot blong Adelaide United long Australia we oli kivim ol uniforms blong olgeta blong tim I save werem long trening.
EGS i wantem talem bikfala tank yu long Adelaide United we hemi stap kompit long A-League blong rilisim Joshua Smith I kam blong helpem futbol long Vanuatu especiali Erakor Golden Star FC from champions league.