Head blong Gavman, Praem Minista Charlot Salwai i lidim wan hae level delegation i ko daon long Niu Kaledonia long wik ia
Visit ia hemi folem fes trade agrimen we kavman blong Vanuatu mo kavman blong New Caledonia bae i sainem long Wednesdei wik ia, 13 February, 2019.
VBTC news i kasem infomesen se hemi bin tekem kavman blong Vanuatu 20 yia,  blong negotiate blong save trade wetem New Caledonia.

        
Long ofisol program blong Praem Minista Salwai long tede morning,  hem mo delegation blong hem i visitim ol Economic Institution long NOUMEA.
Oli visitim tu niufala ofis blong Consulate blong Vanuatu Gavman long Niu Calédonia mo oli kasem tu  "Commune" blong DUMBEA long tede morning.