Issue blong scholarship ofis i karem aot sam name blong ol students we oli bin shortlisem olgeta blong kavman i sponsorem olgeta hemi from i nokat enaf fund blong sapotem ol qualified students ia.
Long last wik taem VBTC nius team i toktok wetem Minista responsible long scholarship, Mr Jean Pierre Nirua i talem se 805 million vatu we kavman i kivim blong scholarship i no enough.
Hemi talem se i gat 400 students naoia long Vanuatu we oli mitim criteria blong save tekem scholarship be problem nao hemi funding.
Mr Nirua i gohed blong talem se hem olsem Minista i tream best blong faenem ol nara fund aotsaed blong save sponsorem ol students.