Vanuatu Beach Volleyball i talem se ol kot blong hem long Stade area long Port Vila, oli open long eni bisnis haus, kavman dipatmen or eni memba blong pablik we i wantem blong mekem trening long aftenun.
Media Communication Ofisa blong Vanuatu Volleyball Federation,  Christel Homu i ripotem se long las wik, QBE insurance kampani hemi fes kampani blong ko mekem trening blong hem.
Mo oli luk forward blong ol nara interested kavman dipatmen mo kampani blong ko mekem trening.
Ms Homu i talem se olketa we oli interest, bae oli save bukum ol kot blong trening, tru long VVF ofis, mo i kat fee blong pem.
Ol trening blong aftenun hemi 500 vatu, mo ol trening long 6pm kasem 7pm, we oli usum ol lait, hemi 1000 vatu.
VVF i talem se olketa we oli usum kot long evening, bae i kat wan representativ blong federation i stap blong supervisem olketa, mo tu mekem referee long taem blong trening.