I kat 5 tija blong Vanuatu we Nauru edukesen i akseptem olketa blong ko tij long Nauru.
Minista blong edukesen, Jean pierre Nirura, i konfem yestede  se wan long olketa tija ia i leko Vanuatu finis long las wik blong ko long Nauru.

Narafala 2 tija bae i flae aut long kantri i no longtaem.

VBTC nius i save se oli tija ia oli ko long  Nauru, tru long wan akrimen we ministri blong edukesen mo trenin blong Vanuatu mo Nauru edukesen i bin mekem.

Komunikesen ofisa blong Ministri blong edukesen mo trening, Esther Thining, i  talemaut se kavman blong Nauru i pem ful return flaet blong ol tijia ia mo famili blong olketa.

Hemi talem se Kavman blong Nauru bae i lukluk tuu blong salari, hausing mo laet. Mo bambae oli kasem wan bonus long end blong yia ia.

Ol tija ia bae i tij long wan kontrak blong 2 yia.