Divelopmen aotrij prokram mo kompetisen blong Vanuatu Aquatics Federation long 2019 bambae i kam antap plante from two ofisa blong hem i go tren long Australia.

Frank Vira mo Tracy Elliot i spendem wan wik trening long manis ia long Hills Swimming Academy wetem sam long ol best instrakta trena long wol.

Vanuatu Aquatics i talem se trening we Tracy mo Frank i go tru long hem bae i help blong tufala i save asesem ol swim instrakta studen.

Tufala lokol trena ia i lanem plante niu samting mo VAF i talem tankio long asistens blong Australia blong mekem spot blong swim long Vanuatu i stap gro bigwan.