Air Vanuatu i start blong kanselem ol Domestik Flight blong hem start long bifo yestede, mandei namba 11th February 2019, folem rabis Weather we i stap naoia long kantri.

Ol Domestic Flight ia i kat VALESDIR long aelan blong Epi; Lamap mo Saot West Bay long aelan blong Malekula, inkludum Maewo mo Sola.

Samfala flight long yestede oli delay folem yiet rabis weather long Paama, Ulei mo Norsup.

Manejmen blong Air Vanuatu hemi folemap gud system ia mo bambae oli talemaot more update yiet.

Ol International Flight blong Air Vanuatu i ko long Australia mo Niu Zilan i stap semak nomo yiet.

Air Vanuatu i continu blong enkarejem ol pasenja concern, blong ko pass long Head ofis blong Air Vanuatu or ol Agency long ol aelan we oli stap long hem, blong re-confirmem flight blong olgeta, or putum ol stret telephone namba blong Air Vanuatu i save contactem wanwan pasenja.

Air Vanuatu hemi no responsibol long ol flight cancelation ia, from hemi to do wetem weather we yumi no save controlem.