Ambrela bodi blong spot long Vanuatu we ol Olympic spot i memba long hem, Vasanoc i talem se bambae hemi katem daon namba blong ol patisipen we bae oli go long Pacific Games long Samoa long manis Julae yia ia.

Vasanoc i stetem i klia se sins hemi Pacific Games Association long Vanuatu, hemi gat full raet long patisipesen blong Vanuatu, okanaes, lidim mo disaed long entry blong ol atlet mo spot disiplin we Team Vanuatu bae i reprisentem long rejinol kem ia.

 

Hemi gohed blong talem se long Oktoba mo Novemba 2017, hemi bin sendem ol kraeteria blong Samoa 2019 long evri spot federesen i semak long las yia mo hemi reisem tu long AGM blong hem.

 

Ol kraeteria ia we ol spot federesen i mas folem i beis bigwan long teknikel mo administresen mata mo sam long olketa i no komplae nomo.

 

Long teknikel kraeteria i fokas long ajivmen long ol kem we i just tekem ples mo administretiv saed hemi beis long membasip long Vasanoc.

 

Vasanoc i talem laswan se evri spot federesen oli awea gud long isiu ia mo bae hemi tekem faenol desisen long Team Vanuatu i no longtaem.