Malampa Revivors FC i nomo kat jans blong kwalifae long kwota faenol raon blong Oceania Champions League afta we hemi lusum namba two grup steij mats blong hem long yestede.

Long mats ia Lae City Dwellers i winim Malampa Revivors long wan sko blong 4 goals to 2.

Malampa i tekem eli lid taem hemi openem sko be afta hemi no bin save inkrisim poin long saed blong hem from Lae City Dwellers i kam from bihaen mo hemi ikwelaes mo hemi adem nara 2 moa poin blong mekem 3-1 bifo long brek.

Long afta long spell,Malampa Revivors i traem blong taetem difens smol i mekem se Dwellers i putum wanfala poin mo Revivors i ademap namba 2 goal blong hem mo mekem 4-2 faenol sko.

Hemi seken big lus blong Revivors FC mo hemi gat las mats akensem AS Tefana blong Tahiti long end blong wik ia.

Wan win long las dei blong Group A kompetisen bae i wan bonus long tim nomo be bae i no save tekem hem i go tru long las 8 raon blong tunamen.

Hemi seken taem Malampa Revivors we i kamaot long Luganville Football Association i go long Champions League mo hemi aot long fes raon nomo.