Vanuatu Aquatics Federation i inkrisim wok long divelopmen prokram blong hem long ol skul mo long vilij level long yia ia.
Hemia i tru long sapot we oli karem Bred Bank, Vasanoc, Oceania Swim mo Loves Swimming Program.
Long semtaem oli liftimap wokfos afta oli inkrisim ol voluntia mo lokol trena we kam fowod blong help promotem spot ia.
Ol ofisa ia oli bin go tru long ol trening insaed mo aotsaed long kantri bifo oli rolemaot prokram.
Long las wik oli stat blong visitim ol vilij long east Efate mo fulap boy mo gel i kam fowod blong part long hem.
VAF tim i enkarejem ol papa mo mama blong alaoem pikinini blong olketa i part long learn to swim prokram ia.