Group D kompetisen blong Champions League long Port Vila bae i end long tumoro aftanun.
Long saed blong Erakor Golden Star bambae hemi no tekem isi last mats blong hem akensem defending champion Team Wellington.
Hemi [Do or Die] kem blong lokol saed mo hemi nokat choice be hemi mas tekemap jalenj ia.
Spos Erakor Golden Star i wantem folem Team Wellington i go long kwota faenol hemi mas winim or dro long 0-0 long las mats ia blong stap long safe saed oltaem.
Long narafala lukluk spos Team Wellington i bitim Golden Star mo Kiwi i holem taet Ba FC long wan dro bambae Erakor Golden Star i save  kwalifae.
Long situesen ia oli kantem poin mo EGS i still 4 poin mo Ba 2 poin.
Hemi ol posibol rod we Erakor Golden Star i save folem blong i save advansem hem i go long las 8 raon.
Prokram blong tumoro bambae Ba vs Kiwi long 2pm mo Team Wellington vs Erakor Golden Star long 5pm.