Aelan Chocolate blong Vanuatu i stap tu long list blong Trade Agrimen we Vanuatu Gavman i saenem wetem Gavman blong Niu Kaledonia.
Evri week, i kat ol bag Cacao blong ol aelan we i kasem Port Vila tru long ol ship.
Ol Bag Cacao ia i kasem Gavman Wharf, bifo ol Chocolate Marker blong ACTIV Association oli ko wetem Camion blong olgeta blong loadem ol Bag Cacao ia i ko kasem long ACTIV Association stret long Nambatu Lagoon, long Efate.
Aelan Chocolate ia i stap long ACTIV long Nambatu Lagoon.
David Harry, wan long ol Chocolate Maker nao i stap chekem evri bag blong Cacao ia.

Samfala we oli no dry gud, oli mas karemaot mo draemap gud bakeken bifo oli stokem i ko long ples blong storem ol bag cacao we i ready blong machine i kraonem olgeta.
Founder mo semtaem Managing Director blong Aelan Chocolate long Vanuatu, Sandrine Wallez i talem se chocolate factory ia i stap pavem niufala road blong ol local fama raon long kantri from oli stap karem more vatu from ol bean blong Cacao blong olgeta.
Tufala Ni Vanuatu Donald BAOR mo KEPPS MERR, i talem se  tufala i klad blong stap olsem  chocolate marker,  from tufala i deal wetem chocolate evridei.