Polis long Not i ripotem mo confemem wan dead blong wan yang fala boe blong Not Pentecost we i stap long Santo we i kat allegation se hemi tekemaut laef blong hem long yestede nite.
Polis commander Not, George Songi i confemem nius ia long VBTC mo talem se polis i bin attendem scene we inciden itekem ples long hem, mo fanem aot se yang fala boe ia i bin komitim suicide, or tekem aut laef blong hem.
Mr Songi i talem se polis i no faenem aot wanem reason blong dead blong hem yet be advisim ol parents blong mas lukaotem gud ol pikinini blong olgeta.