Kavman tru long Ministry blong Agriculture, Livestok, Forestry, Fishery mo biosecurity i tekem lead blong wok more closap wetem ol private sector.

Long yestete i bin gat wan signing blong wan private sector agriment wetem department blong Agriculture blong providem kava seedling i go long department.

Hemi fes ever agriment we Department blong Agriculture i signem wetem wan Private sector blong saplaem Kava i go long department.

Aim blong agriment hemi blong help growem production blong Kava long Vanuatu blong save mitim demand we i stap.

Cloud Kava Kampany hemi name blong private kampany we department blong Agricultur bae i wok wetem hem blong 2 manis contract blong providem kava i go long department.

Agriment ia, Jonathan Naupa we i owner blong Cloud Kava Kampany i signem wetem Director general blong Ministry, Moses Amos long presence blong Director blong Agriculture Antoine Ravo.