Komuniti blong Erakor vilaj long Efate i selebretem dei blong ol jif,  wetem lonjing blong wan projekt blong helpem helt blong ol pipol.
Hemi wan projekt we i kam anda long Phoenix Life Sciences International Limited.
CEO blong Phoenix Life Sciences International, Martin Tindall mo Jif Kalsaur Kalomtak Bomal 8 ibin mekem graun breaking blong projekt ia.
Anda long projekt ia, bae i kat ol klinik konteina we bae oli putum long ol difren ples,  blong providem medikel servis long ol pipol.
Phoenix Life Sciences International Limited hemi wan healthcare solution kampani we hemi beis long Amerika, mo hemi mekem research mo mekem ol prodakt aut long ol plant, blong treatim ol sik olsem diabetes, cancer, wetem sam nara sik, mo projekt blong olketa bae oli bildim long Santo mo Efate.
Long dei ia tu,  Phoenix Life Science International i mekem fri skrining blong level blong suka long ol pipol, mo fulap pipol iko long hem, we hemi stat long ol piknini kasem ol olfala.