Vanuatu woman bij volibol tim wan we i kompit long FIVB wol tua long Sydney Australia i no save mekem i go insaed long main draw blong tunamen.
Long Wednesde wik ia, Miller Pata mo Sheresyn Toko i statem gud kampein blong tufala taem tufala i winim  wan tim blong New Zealand long 2 sets to 1.
Miller Pata mo pair blong hem, Sheresyn Toko i tekem Poland tim long seken mats blong kwalifikesen raon be hemi no save go tru afta we Poland i aotem hem long 2-0.
Spos lokol saed i winim tufala mats ia bambae hemi save advans i go long seken steij blong kompetisen we bae i stat long tedei.
Vanuatu i aot long FIVB wol tua ia long fes raon nomo.