Priperesen i stap ko hed from mini agriculture sho we bae i tekem ples long Emae long namba 18 kasem 21 June 2019.

I kat wan organising komiti i setap long Emae long 10 March long Ratu organic market haus blong help long preperation blong festival ia.

Insaed long komiti ia i kat ol representative blong ol difren vilaj, mo area, mo tu blong ol chief, fama, fisherman, jioj lida, woman mo yuth.

Wan awarenes tim blong dipatemen blong agriculture i stap long Emae aelan long las wik mo mekem ol toktok abaut impotens blong mini agriculture sho ia.

Mo tim ia ibin visitim ol difren komuniti mo toktok wetem ol pipol.Ol lokol fama long Tongoa, Tongariki, Buninga, Makira mo Mataso bae i tekem part long mini festival ia.

Theme blong festival hemi grow organic, eat local, think global.

Mo mini festival ia hemi pat long preperation from nasonal agriculture festival long Tanna long 2020.