Malvatumauri kounsel blong jif, i requestem tru long hed blong stet, blong isui blong jifly disput i no mas ko long fomal kot, be kavman emi mas establishim wan loa blong alaoem disput blong ol jif i finis long kastom nomo, from emi bisnis blong kastom otoriti.

Presiden blong Malvatumauri kansel blong jif, Jif Willy Grey Plasua, i explenem se emia i semak long bisnis blong kastom land, we kastom nao i lukluk long em folem niufala loa blong Claimant, mo fomal kot emi save help long proses nomo.

Hemi pointemuat se sapos i save kat semak sistem olsem long jifly dispute tuu, bae emi gud tumas, from emi foundesen strakja, mo fasin blong Vanuatu. Mo semtaem oli rispektem ol nara fom blong disput avenues long kot.

Hemi talem se Vanuatu i no mas ignorem tumas otoriti blong kastom disisen, from sapos no bae i lus.