Fifteen saksesful aplicant blong Vanuatu, oli gat privilej tedei blong stap long wan Dialogue wetem Fifteen counterpart blong Australia.

Emia hemi pat blong fes eva Pacific Connect Dialogue bitwin Australia mo Vanuatu, we Intanasonal Senta blong Demokratik Patnaship Oganaesesen, ICDP, nao i stap hostem long Port Vila.

Simone Pensko we emi Jij Eksekutif Ofisa blong oganaesesen ia emi talem se tingting bihaen long Dialogue emi blong identifaem ol nekis generesen lida long ol area blong laef mo wok we eitha oli statem wan bisnis finis o oli stap lukluk blong statem wan bisnis mo helpem olgeta blong developem ol skill blong olgeta.

Hem i talem tu se Diaologue ia emi fokus long Infomesen Teknology o IT mo ol kandidet ia bambae oli wok tugeta wetem olgeta blong Australia mo tu ol Mentor blong olgeta blong usum IT or ICT blong developem sam solusen long ol evriday nid blong ol pipol.

Tina Briggs, we emi stap olsem Program Maneja blong ICDP, i talem se wan long ol bigfala tingting bihaen long kaen dialogue ia emi blong bildimap ol strong rilesenship bitwin ol upkaming sosieti lida long Vanuatu mo Australia.

Mr Fred Samuel, we hemi lokol host blong dialogue ia emi talem se ol miting ia bambae i stat long tedei mo bae i givim janis long ol patisipen ia blong karem ol tingting blong olgeta i kam tugeta blong tokbaot ol solusen we i save helpem evriwan.

Mr Samuel i talem se bambae emi wan privilij tu blong evriwan we i pat from mein host we i kam long Australia emi longest serving Civil Servant blong Australia mo hemi bin wok long equivalent posisen olsem DG blong fulap ol Ministry blong Gavman blong Australia mo hemi servem ol past 4 Praem Minista blong kaontri.

Bae hem i stap blong givim toktok sapot long ol patisipen ia.