Vanuatu tenis i gat wan yang tim we bambae i go difendem kala blong Vanuatu long Pacific Games long Samoa.
Insaed long tim ia i gat two female studen we bae i mekem fes apierens blong tufala long Pacific Games we hemi biggest kem long Oceania rijen.
Tufala ia i gat Desiree Signo mo Daisy Sibiti mo tufala i stap skul long Port Vila.
Hed blong Vanuatu Tennis i preisem komitmen we ol pleia ia i soem long trening afta we oli bin anaonsem tim long las yia.
Tufala yang female pleia i talem se oli akseptem ofa blong part long tim from long Pacific Mini Games long Port Vila long 2017, i gat sam tenis pleia we oli 14 yia nomo be oli winim medal long nem blong kantri.
Ol home base pleia oli tren anda long supavisen blong niu teknikel daerekta, Ian Honila we i kam long Solomon Islands.