Nasonal futbol tim i lego kantri long tede moning blong go plei wan intanasonal frenli long Honiara Solomon Islands.
VBTC spot i stap long trening camp long yestede mo faenemaot se klosap 20 pleia oli tenap long nasonal duty kol we VFF i mekem blong oli reprisentem kantri long ovasi.
Niufala koj, Paul Munster blong Ireland i bin enkej wetem tim long sam dei i pass mo hemi preisem ol pleia we oli mekem availabol blong part tim.
Paul Munster i no foketem ol klab we ol pleia we oli plei long hem blong talem tankio blong rilisim pleia blong olketa.
Frenli mats blong tufala Melanesian kantri ia bae i tekples long Lawson Tama Stadium long Mande 18 long next wik.