Presiden blong Oceania Football, Lambert Maltock i promesem ol futbol asosiesen we oli votem hem se bambae hemi traem evri best blong groem futbol long rijen wetem sapot blong FIFA.
Maltok i se i no isi be hemi wish blong hem longtaem blong Oceania i kam antap long futbol mo hemi nidim sapot blong evriwan.
Hemi mekem toktok ai afta long ileksen blong hem long hae post ia long OFC kongres we i tekem ples long Auckland New Zealand.
Mr Lambert Maltock i talem tankio long ol memba asosiesen blong kivim wan moa jans long hem blong okupaem top futbol post ia mo hemi asurem evriwan se bambae oli wok wan mo i nidim koperesen blong evriwan.
Long short taem long hae ofis ia Lambert Maltock i lukluk long bigfala reform we Confederation i stap go tru long hem we i enkarejem impotens blong transparensi mo impruvum gavnans long level blong exekutiv blong Oceania Football ofis.
Hemi se i no bin wan isi wokbaot blong OFC from hemi fesem plante jalenj i mekem se hemi askem blong contest from top posisen ia.
Lambert Maltock i talem long OFC exekutiv bod se wetem lidasip blong hem bae i help restorem bak Oceania Football wetem sapot blong evriwan.