Vanuatu i stap tu insaed long observer tim blong Melanesian Spearhed Grup, MSG, blong ko observem eleksen blong Solomon aelan long nekis manis.
Hemi Jeaman blong Elektoral Komisen, Martin Tete.
Eleksen blong Solomon aelan bae i tekem ples long namba 3 April.
Man we bae i lidim MSG observer tim ia hemi foma defence minista blong Fiji, Ratu Inoke Kubuabola.
Insaed long tim ia bae i kat tu, foma diplomat blong Papua New Guinea,  Leonard Louma mo Rodrique Tiavouane, wan memba blong FLNKS long New Caledonia.
Direkta General blong MSG, Amena Yauvoli i talem se ol observa ia oli sapos blong ko long Honiara bifo long end blong manis ia blong priperem olketa.
Hemi talem se MSG observer tim bae oli deployem iko long ol area we ino kat koverage blong ol nara eleksen observa tim, blong mekem se oli kat wan gud observation long eleksen ia.
Long ol pas yia, MSG Observa Grup ibin moniterem ol nasonal eleksen long Vanuatu, Fiji, PNG mo independence referendum blong New Caledonia long las yia 2018.