Management blong Air Vanuatu i talem se airline hemi no operatem any Boeing 737 Max 8, be instead hemi operatem wan Boeing 737-800 we hemi wan different general aircraft mo hemi ol latest Boeing.
Mo hemi no kat eni plan blong inkludum wan BOEING 737 MAX 8 long ol aircraft blong hem.
Marketing mo Communication Manager blong Air Vanuatu, Paul Pio i talemaut toktok ia, afta we wan boeing 737 Max plen blong Ethiopia Airline ibin krash long Addis Ababa long Ethiopia long erli wik ia, mo everi pasenja mo krew oli ded.
Mo sam airline long wol i stap lukluk bak long ol kain plen olsem, blong stopem blong oli nomo flai.
Mr Pio i asurem everi  kastoma blong Air Vanuatu, se SAFETY hemi Nambawan priority blong Management blong Air Vanuatu.
Long semtaem Management blong Air Vanuatu i sori  blong harem accident we i involvem plen blong Ethiopian Airline  mo semtaem oli extendem sori mo prayer blong olgeta i ko long ol famili mo ol friend we i afekt.