Vanuatu Broadcasting mo Television Corporation(VBTC) i signem wan contract long tedei morning wetem Ministry blong Health, blong olketa toksave blong health i kasem ol pipol raon long kaontri.
Director General blong Ministry blong Health, George Taleo i talem se fulap taem hemi stap listen long radio Vanuatu mo harem ol nara NGO nomo i stap tokbaot olketa heath issu , be ministry i nogat nomo.
Mo wetem contract ia hemi gud tumas mo hemi advisem ol staff blong hem blong mekem best blong olketa.
Chief Executive Ofisa blong VBTC, Francis Herman i talem se hemi glad bigwan blong kasem stage ia,  mo hemi no from vatu, be from servis i mas kasem ol man wetem ol health toksave tru long TV, radio, mo tu online.
Hemi talem se VBTC i aim blong kasem full coverage blong radio raon long  kaontri, long manis August mo TV long manis Novemba yia ia. Mani blong 1 yia contract ia hemi 2 million vatu mo tufala partner i wantem partnership ia i grow moa long futja.