European Union i putum tri kantri long Pacific, includim Vanuatu long tax haven blacklist blong hem.
Tufala nara kantri long Pacific hemi Fiji mo Marshall aelan.
Pacific News Servis i ripotem se 3 kantri ia i stap insaed long 10 kantri we EU i blacklistim olketa.
Ol nara 7 hemi Aruba long Caribbean, Barbados, Belize, Bermuda, Oman, United Arab Emirates mo Dominica.
Mo oli joinem Samoa, Trinidad mo Tobago, Ameriken Samoa, Guam mo Virgin Islands we oli stap long blacklist finis.
Pacnews i ripotem se Blacklist ia hemi folem ol tax rule we ol kantri ia oli kat, mo olketa we oli komitted blong changem ol rule ia folem wan deadline we EU i setem, bae oli karemaut nem blong olketa long blacklist ia.