President blong "Union Calédonienne" mo semtaem Spokesman blong (Front Libération Kanak Nationaliste et Socialiste) FLKNS movement, Daniel GOA i reaffirmem bakeken political position blong hem konsenem tufala aelan, Matthew et Hunter.
Mr Daniel GOA i talem se FLNKS i luk save se Mathew mo Hunter tufala i part long natural heritage blong Ripablik blong Vanuatu.
Mr Goa i talemaot bakeken se long 2009, FLNKS mo Late Foma Praem Minista Edward Nipake Natapei tufala i bin saenem wan DECLARATION we oli kolem "Declaration de KEAMU".
Hemi wan document we i recognisem se customary membership blong Mathew mo Hunter i stap long Vanuatu.
Vanuatu Gavman i askem blong kat wan miting wetem Franis long end blong manis ia long wan long Pacific Country be i no long Paris blong tokabaut dispute we i stap ova long tufala aelan ia.