Yu nokat samting blong mekem long Sande long wiken ia traem go sail wetem ol fren.
Port Vila Sailing Club bae i holem 2019 Open Day blong hem long dei ia mo hemi invaetem pablik blong go long haf dei aktiviti ia.
Open Day i stat long 12pm i go kasem long aftanun long bod yard long Worauloa point.
I gat ol aktiviti long water, long sanbis mo long yard mo pablik i welkam blong go expiriensem prokram blong sailing club.
Klab i advaes se hemi gat plante dingys blong lanem sail long hem long beautiful Port Vila haba long dei ia.
Ol pikinini mo ol yangfala we oli stap long sailing club bae oli help blong tijim pipol blong sail.