Wan long desenden blong ol South Sea Islander, we hem i originally kamaot long aelan blong Tanna mo Ambae i stap rere blong presentem wan pepa we i konsenem laef blong ol pipol blong hem long Australia.
Nasuan Inares, emi pikinini blong wan man Tanna  we ol ship i tekem hem i go long Australia mo wan Woman Ambae we papa mo mama blong hem i kam long West Ambae.
Nasuan i talem se hem i tingting strong blong  hem i talem story blong hem blong ol family blong Vanuatu i harem mo tingbaot olgeta South Sea Islander, we fulap long olgeta oli stap traem blo faenem ol family blong olgeta long Vanuatu, mo tu Solomon aelan mo Papua New Guinea.
Even tho fulap long olgeta oli no karem ol stret spelling o pronunciation blong olgeta nem mo i hard blong olgeta i save wea ples stret nao oli kam long hem.
Hem i talem se hem i hope se ol pipol long Vanuatu i no fogetem olgeta desenden blong ol man mo woman Vanuatu we oli tekem olgeta i wok raon long 1860 kasem 1901.