Wan long olketa lidin mo growing bank long Vanuatu, BANK of the SOUTH PACIFIC (BSP) i kontinu blong expanem ol seves blong em iko long doa step blong pipol taem oli openem niu branj blong bank ia tede  monin long eria blong Freswota, long Vila.
Ol seves we BSP branj bae i provaedem emi ol sem seves we BSP bank i stap provadem long saed blong kastoma, withrawal,transfea mo ol nara seves.
VBTC nius i andastan se branj blong BSP long Freswota i stat operet long 20 februari, be tede nao i jes lukim ofisel openin blong em i tekem ples.
I kat 12 staf everiwan we i wok long niufala branj ia. Emi namba 4 branj blong BSP long Vanuatu.