Daerekta Jenerol blong Ministri blong Agriculture, Forestri, Fisheries, Livestock mo Biosekuriti, Moses AMOS i talem se hemi taem naoia blong evri Dipatmen blong Gavman anda long evri Ministry oli mas work tugeta.
DG MOSES AMOS i mekem toktok ia, long First ever Productive Sector Partners Directors Meeting we i tekem ples tede long Port Vila.
DG AMOS i talem se evri Dipatment oli nid blong brekem wall ia, from evri Department i deal wetem semak fama ia we i plant, i ko fishing, i fitim pig, i planem vegetable or i kat bungalow.
Vanuatu Skills Partnership nao i fasilitetem Productive Sector Partners Directors Meeting ia,  mo Daerekta blong hem,  Fremden Yanhambath i talem tu se hemi wan start blong wan niufala wokbaot blong evriwan i mas wokbaot tugeta.
Meeting blong ol Daerekta tede moning i blong luk olsem wanem oli save kodinetem gud ol seves delivri blong Gavman i ko long ol 70% population we oli liv long rural ia.
Mr Fremden Yanhambath i talem se tede i kat smol coordination nomo bitwin Provins mo Gavman mo i no kat training long saed blong ol skill blong pipol blong Vanuatu.