Ofis blong Maritime regulator itekem tugeta vinis everi information long claim blong lokol inter island vessel, Vanuatu Cargo we i bin ko long Ambrym despite long wan circular we oli bin kivim aot blong warnem ol ship blong no travel long taem blong cyclone Oma.
VBTC nius i bin toktok wetem  Legal Ofisa blong Maritime Regulator, Loyd Fikiasi i talem se long taem ia oli bin putum aot wan warning blong ol ship oli no ko aot from kantri i bin stap fesem tropical cyclone Oma we i causem tu ol swell wave.
Ofis blong Maritime Regulator i kontinu blong talem se afta long ol information we i gatherem tugeta bai i tekem wan strong action agensem Vanuatu Ferry LTD we Vanuatu Cargo i stap anda long hem sometimes long wik ia from i no bin follem advice blong OMR long taem blong cyclone Oma.
Manager blong Vanuatu Cargo, Catherine i talem long wan short discussion wetem VBTC nius se oli wait long investigation bifo oli tekem wan nara step long issue blong mass termination blong 12 crew members.
Be Vanuatu National wokas union i kontinu blong persurem strong action agensem kampani ia long relation long termination.
Dateline we Union i bin putum blong kampani ia i mas mekem wan samting bifo oli tekem wan nara step hemi tumuru Friday namba 15 March 2019.
Issac Takau mo Joseph Joseph, wan long ol crew member we Management blong Vanuatu Cargo i bin terminatem hem i talem se hemi no fes taem we ship i stap aot long ol rabis weta mo oli no folem warning we OMR i stap kivim.
Ol claim ia, Vanuatu Ferry LTD management i deniem mo talem se ol crew ia oli terminatem olgeta folem other displinary reasons.