Fulap woman oli stap sapotem ol man blong olgeta blong faenem wei blong karem mane i kam blong helpem ol family blong olgeta.

Sam oli gat privilij blong kasem wan wok long wan ofis, be i gat fulap we oli wok had evridei long 20 vatu sale blong ol kakae, long kriesen blong ol handikraf mo prodak olsem ol klos we pipol i save pem.

Folem tingting ia ol woman bambae oli kam tugeta mo holem wan fleamarket blong eniwan i save kam salem wan produce mo winim smol selen.

Jane Iatika olsem representatif blong VCSIN, blong Freshwota/Tasiriki wod i talemaot se tingting bihaen tu blong karem ol woman i kam tugeta blong ol hapi tugeta mo unite, blong soem solidariti we ol mama i nidim.

Annette Mial we hemi wan representatif too blong Freshwota/Tasiriki wod i stap askem long ol woman we oli wok, mo tu ol papa blong go sapotem tu ol mama.

Mo hem i usum pikja blong wan pijin, we inosave flae spos hem i gat wan wing nomo, be wetem tugeta wing, hem i save flae.

Rachel. Charlie, we hem i representatif blong Northern wod mo tu hem i stap olsem wan representatif blong ol pipol we oli liv wetem disabiliti, i talem se bambae olgeta tu i setemap ol stol mo salem ol produse we olgeta i krietem.

Flea market ia ol representatif ia oli talemaot long Tokbak Segment blong Nasonal Nius haoa long Tuesdei wik ia, se bambae i stap long Freshwota Park, long tumoro namba 22 Marj.

Mo bambae i stap long full day, stat long 9 klok moning kasem leit aftanun.