Polis long Port Vila i konfirm se hemi kasem wan ripot abaut allegation blong wan mane we amount blong hem ikasem 400,000 VATU we i lus long Anabrou Skul long Port Vila.

Wan sos long polis i konfirmem long tedei morning se oli stap mekem investigation long hem.

VBTC news i kasem konfirmesen tedei morning long skul administration se money ia i ko lus long hand blong wan individual person.

Folem ol legal reason VBTC News ino save givim any name.

VBTC news ibin kasem Niu Jeaman blong skul kounsel, Michelle Liliord, long tedei morning, be hemi no save toktok moa long kes ia naoia, from wok komitmen.