Report long New Caledonia i talem se i kat wan woman Vanuatu we oli deportem hem long New Caledonia from hemi ko wok illegally, or hemi no kat stret pepa blong wok.

Radio New Zealand International i ripotem se wan ripot we i kamaut long Nouvelles Caledoniennes niuspepa i talem se woman ia, pei we hemi stap kasem hemi long wei long minimum wage.

Niuspepa ia i ripotem se woman ia we i blong Efate, oli bin karem hem blong wok, afta we hemi anserem wan online advertisement blong wan employment agensi.

Niuspepa i talem se hemi wok blong wan kouple blong New Caledonia, mo tufala i mekem ol kiaman declaration abaut hem, mo tufala i describem hem olsem wan fren blong tufala we iko visit.

Niuspepa i ripotem se woman ia hemi wok everi dei, mo hemi hemi no kat eni social sekuriti, mo couple ia i pem hem long 200 ameriken dola long wan manis.

Ripot i talem se Kouple ia bae i pas long kot, folem sam jarj we tufala i fesem, mo panismen blong ol rong olsem i save kasem 5 yia long kalabus.