Tafea futbol klab i kleimem PVFA Digicel Premier League afta long 1-0 viktri blong hem ova long Shepherds United Sarere las wiken.
Hemi stret 11 yia blong foma jampion blong Port Vila Football ya i tekem bak taetol nomata hemi gat las mats blong pleim long wik ia.
Risal blong narafala mats blong las wiken i soem se Galaxy mo Ifira Black Bird i kitkit long 0-0 mo Erakor Golden Star mo BSP Amicale i dro long 1-1 olbaot.
Latest Digicel Premier League i lukim MG Tafea i tekem wan klia lid long 29 poin, Erakor Golden Star 25, Galaxy 24, BSP Amicale 21, Ifira Black Bird 19, Tupuji Imere 8, Shepherds United 5 mo Yatel i gat 3 poin.