Ambasada blong France i kam long Vanuatu, Robby Judes, i step daon long posison blong hem from oli investigetem hem long wan alej asolt.
Muv ia oli anaonsem long Ofisol Jonol mo Presiden blong France, Emmanuel Macron, i apruvum.
Isiu ia i kam wan manis afta we Mr Judes i risivim wan samon long French forein ministri long Paris folem wan komplent long sexiol asolt we oli lodjem agensem hem long New Caledonia.
Mr Judes i sakem aot ol alegeson ia, mo hemi talem se i kat ol rabis tinktink agensem hem.
Ripot i talem se ol investigeson i stap kohed yet mo ol judisol otoriti long New Caledonia i ripotem se Mr Judes i no save apil agensem diplomatik imiuniti.
Komplen we i ko agensem ambasada ia, wan bisnis woman blong Caledonia, Cherifa Linosier, bin lonsem i ko long French Hai Komisina long Noumea afta long wan kakai we i make saening blong wan tred dil bitwin New Caledonia mo Vanuatu.