Wok i stap ko hed gud blong bildim gud rod blong West Epi.
Rod ia hemi kavremap Lamen Bay airport iko kasem long Votlo area.
Projekt ia i kam anda long Vanuatu Infrastructure Reconstruction mo Improvement Projekt, VIRIP.
Ministri blong Infrastructure mo Pablik Utilities, i ripotem se Island Construction Limited nau ibin winim tenda blong rod ia,  long wan mane we i kasem ova long 57 million vatu.
Hemi statem wok long rod ia long February,  mo hemi shud finisim long May long yia ia, 2019.
Kampani i wokem rod ia wetem sement, mo i mekem tu ol drainage.
Hemi usum sam lokol pipol long ol vilaj kolosap blong mekem wok, olsem digim drainage.

West Epi rod hemi wan rod we araun 3500 pipol i usum, from hemi konekt iko long north mo west cost blong south mo westen saed blong aelan ia, mo hemi wan rod we hemi link iko long airport, main haba, mo ol nara key social infrastructure.