Ofis blong President blong Ripablik blong Vanuatu i talem se bae President i gat more consultation folem ol toktok blong rilisim ol foma Memba blong Palemen.
Ofis blong President i talem se Pipol blong Vanuatu i kat vew blong olgeta, samfala oli in favour mo ol narawan oli no wantem pardoning i happen.
Constitution blong Vanuatu hemi givim full raet blong wan President blong save risilim wan inmate.
Ofis blong President i mekem toktok ia, folem wan leta we State House i risivim we i kam long Chairman blong Transparency International Vanuatu, Dr Willie TOKON we i tok aikensem Pardoning blong ol Foma MP.
Olgeta foma MPs ia oli servem sentens insaed long prison folem kes blong pribery mo conspiracy.
VBTC Nius i andastand tu se Dr Willie TOKON i stap insaed long Comity blong Pardon, mo ibin toktok tu long President about Health blong ol Foma MP.
Dokta WIllie TOKON i raet i ko long State House long bihalf blong Transparency International blong talem se bae rilis blong olgeta ia isave gat wan nogud implication long justis system blong Vanuatu