Ofis blong Praem Minista i enkarejem ol manples we ol wokman blong Chinese Sivil Enjiniaring konstrskson kopereson CCECC, blong oli darektem komplen blong olketa i ko long Dipatmen blong Leba.
Ofis blong PM i mekem toktok ia folem sam komplen we ol wokman blong kampani ia oli mekem i ko agensem Praem Minista long las wik we i bin kam aot long editoriol kolom blong Daily Post nius Pepa.
Pablik Rileson Ofisa blong Gavman, Hiliare Bule, i talem se i kat ol nara dipatmen mo instituson olsem polis mo kot i save helpem situeson blong olketa, be i no blong poentem finga long hed blong gavman.
Ofis blong Prime Minister i talem se sapos sam wokman ia, oli kat komplen about alegesen kakae mo rabis fasin, hemi gud blong oli go long leba dipatmen o go long kot be PM ino kat bisnis long hem.
Ofis blong Prime Minister i wandem mekem save long wokman blong CCECC ia se komplen blong olgeta about kakae hemi wan praevet bisnis blong kampani.