Kavman i singaotem wan spesel siting long friday ia blong askem Palemen i inkrisim namba blong ol minista blong hem.
Long spesel siting ia bae Gavman i askem blong ol member i vote blong mekem ammendemen long mama loa blong Vanuatu.
Bill for the Constitution (Seventh) (Amendment), Praem Minista, Charlot Salwai Tabimasmas bae i presentem.
Tingting bihain long bill ia hemi from sam minista we oli stap naoia oli kat fulap portfolio, mo i afektem wok blong ol ministri konsern.
Jenis ia bae i mekem se i kat sam portfolio we bae oli karemaut long sam minista mo putum ol portfolio ia iko long sam niu minista.
Mo inkris long namba blong ol minista, bae i mekem se i kat mo efficiency mo effekt long implementation blong ol kavman polisi.
Bill ia ia bae i kivim i kivim pawa tu long Praem Minista blong apointem mo remuvum ol parliamentari sekretari.
Namba blong ol parliamentari sekretari ia we Praem Minista i apointem, hemi no mas bitim namba blong ol minista.
Mo ol parliamentari sekretari we oli appointed, bae oli mekem wok we Praem Minista i assainem olketa blong mekem.
VBTC News i kasem infomesen se change long konstitution bae i allowem blong kavman i leftemap namba blong ol minista long 13 iko antap long 17.
Spesel siting ia blong Fridei 29 March, Akting Klak blong Palemen, Leon Teter i putumaut notis blong hem finis, mo askem everi MP blong stap long Port Vila mo tekem part long siting ia.)