I kat 63 woka blong China Civil Engineering Construction Company, CCECC, i seekim legal advice afta we kampani i termineitem olketa long Fridei las wik.
Olketa wokman ia oli wok long Port Vila International Airport upgrade wok.
Tufala wokman we i representem ol wokman ia, James Siaka mo Nako Guitou i konfirmem se oli karem wan lawyer finis blong representem olketa, we hemi James Tari mo Partners.
VBTC News i understand se lawyer blong olketa ibin rait finis iko long CCECC blong stretem kontrakt entitlement blong olketa, folem Employment Loa blong Vanuatu.
Long respond, Media Ofisa blong CCECC, Lilyrose Welwel i talem se CCECC i respektem rait  blong olketa wokman we oli stap wok naoia, mo olketa we oli finis wok.
Mo CCECC bae i mekem sua blong folem loa blong anserem konsern or komplein blong olketa.