Department blong Immigration hemi stap mekem arrangemen naoia blong depotem wan Chinese national from hemi stap mekem wok illegali long Vanuatu.
Director blong Immigration Jeffery Markson hemi confirm se Chinese National ia VICTOR WU ZHUZHENG hemi stap long hand blong ol atorit naoia mo polis ibin arestem hem long Tuesday morning.
Long friday last week Minista blong Immigration hemi bin saenem depotation leta blong hem mbe long taem ia oli no save faenem Chinese ia.
Tedei Tuesday nao oli tes faenem hem long home blong hem long eria blong Blacksand.
Chinese national ia hemi kam long kauntri blong setemap wan Digital Television network we project ia hemi no complete mo spesel VISA blong hem i expire.
Hemi bin traem blong jalensem ol atoriti blong Vanuatu long Kot kasem hemi lusum everi kes blong hem mo Minista blong Internal Afea ibin givim hem 2 week blong mas livim kauntri.
Mbe afta we hemi no lego kauntri, Minista Andrew Napuat hemi saenem order blong Polis mo Immigration i arrestem hem.
Naoia hemi stap long hand blong polis wael oli arengem flight blong hem aot long Vanuatu