Department blong Lokol Atoriti hemi stat finis blong rilisim NIUFALA rate blong Allocations iko blong helpem wok blong wanwan councilors blong ol Provins mo Municipalities.
Long niufala rate ia wanwan councilor bae I risivim 1 MILLION VATU long wan yea.
Taem hemi anaonsem rilis ia, Minista blong Internal Afea, Hon. Andrew NAPUAT hemi anaonsem tu guideline blong olsem wanem wan wan councilor hemi mas repotem ius blong money ia.
Fes QUOTA blong 250,000 VATU oli rilisim long wik ia.
Minista NAPUAT i talem se hemi impoten blong ol councilor oli mas folem ol rule we department blong Lokol Atoriti i desaenem blong oli aplae from money ia mo talem olsem wanem oli iusim.
Hemi se Money ia Gavman i givim blong help developem ol areas we olgeta i representem.