Port Vila Football Digicel Premier League i gat faev aotstanding kem blong pleim yet bifo season i end long wiken.

Long yestede aftanun, Galaxy i mitim Shepherds United long las mats blong hem long Port Vila Stadium mo hemi winim mats ia long wan klosap sko blong 4 goals to 3.

Win blong Galaxy ia i mekem se hemi 27 poin long tebol mo hemi seken long Tafea FC we i gat 29 poin.

Long tede aftanun bambae BSP Amicale i plei Yatel futbol tim.

Long Sarere wiken we i kam, fes mats Yatel vs Erakor Golden Star mo spos EGS i win bae hemi kam seken long klasmen wetem 28 poin.

Seken kem hemi bitwin Tupuji Imere mo Ifira Black Bird mo Tafea mo BSP Amicale i endem show long dei ia.