Wan refri instrakta kos i stap tekem ples long VFF Football Academy long wik ia.

Hemi 5 dei trening mo ol VFF instrakta i trenem ol patisipen we i kam long evri memba asosiesen truaot long kantri.

Refri Divelopmen Ofisa, Kalo Nasse i talem long VBTC spot se kos ia i impoten mo intensive from oli tijim olketa we bae oli kam refri instrakta long wanwan futbol asosiesen.

Kalo Nasse i ripotem se i gat 4 refri kos evriwan long yia ia mo hemia long wik ia i ol patisipen bae i kontaktem trening long ples blong olketa blong identifaem potensol mo fiuja refri we bambae oli atendem ol FIFA trening long oltaem i kam.

Long semtaem bambae ol VFF instrakta i tijim ol yut mo woman refri we bambae oli lukaotem yut mo woman lik we bae i stat i no longtaem.