Eleven memba asosiesen blong Oceania Football i mas wok tuketa blong mekem futbol i kam antap long rijen.

Long semtaem OFC i no mas mekem mistek bageken long misyusum fund blong futbol from FIFA i save saspendem hem enitaem or muvum hem i go anda long wan confederesen.

Hemi kol blong niu OFC hed, Lambert Maltock afta we hemi mitim niu exekutiv afta long ileksen blong hem.

Lambert Maltock i se FIFA i kivim strong woning mo hemi very impoten blong wok long stret fasin oltaem blong karem bak rispek.

Long taem ia hemi anaonsem four key pillars we hemi ting se bae oli putum plante fokas long hem blong groem spot long rijen.

I gat Implimen OFC futbol divelopmen strategy blong 2026, reisem kwaliti blong futbol tru rivaevem moa kompetisen, menteinem rifom mo gohed blong bildimap faondesen blong gud gavnans.

Hemi mekem i klia se hemi jenisim exekutiv blong hem mo involvem ol kantri we oli strong long futbol blong mekem se oli help implimentem 4 poin antap.

Mr Maltock i se blong statem ol jenis ia bae Vanuatu i hostem wan retreat blong Oceania Football long Port Vila next manis.